Transcription
1
Monseigneur jay veu la lettre qu’escrivez à mon nepveu d’Aiguebelle dattée du
2
jour dhier. Je vous mercie très humblement du soing qu’avez dentendre des
3
nouvelles de ma santé, laquelle, graces à Dieu, jespère mieulx que jamais,
4
encore que dès long temps jen estois en quelque bonne esperance, mesmes
5
e trouve que le changement que jay faict de ma chambre en la votre ma
6
beaucoup aidé, de sorte que jespère prendre lair plus loing. Cest à dire
7
en la valée de Graysivodant dans dix ou douze jours. Jay veu
8
aussy les lettres de monsieur le president Belièvre et de monsieur de
9
Chastellard et ay grant regret que je ne suis encore en disposition
10
de veoir tels fascheux articles et de vous dire sur chacun mon advis,
11
combien que la rectitude et lintegrité de voz actions porte tousiours
12
sa deffence, quant et soy. Vray est que jay ung peu de regret
13
que vous ne vous estes plus doulcement accommodé avec le personnaige
14
qu’entens monsieur le president Belièvre par sa lettre ; car quelque sauvaige
15
et revesche quil soit, il me semble que cella n’estoit trop malaisé. Vous
16
voyés quil n’est point de petis amys comme lexperience nous faict cognoistre
17
qu’un seul en a mis une infinité de plus grans que luy contre vous.
18
Jespère toutesfois que tout reussira selon le merite de vostre innocence
19
et me pardonnerés sy surce, je ne vous puis faire plus long discours,
20
esperant entrecy et ung mois deviser de cella et dautres choses plus
21
amplement en votre maison de Laval. Cependant, je men vois
22
recommander bien humblement à vostre bonne grace et à celle de madame
23
de Gordes, sans oublier toute vostre petite noblesse, priant le Createur,
24
Monseigneur, vous conserver tout en sa saincte et digne garde.
25
De Grenoble, ce XXIIIe jour d’aoust 1572
26
Votre à jamais plus fidelle et plus affectionné
27
Serviteur
28
Truchon